அனிதா இஸ் பேக் டு பார்ம்.. முதலில் சுரேஷ் இப்ப இவரா..?

அனிதா இஸ் பேக் டு பார்ம்.. முதலில் சுரேஷ் இப்ப இவரா..?

இந்த பிக் பாஸ் சீசன் 4 நிகழ்ச்சி தொடங்கிய முதல் நாளில் இருந்தே பரபரப்பாக சென்று கொண்டிருக்கிறது. 16 போட்டியாளர்களுடன் தொடங்கிய இந்த சீசனின் முதல்நாளில் அனிதா சம்பத்திர்க்கும், சுரேஷ் சக்கரவர்த்திக்கும் இடையே மோதல் உண்டானது. அந்த மோதலின் போது சுரேஷ் சக்ரவர்த்தி தன்னை ட்டிரிகர் பண்ணுவதாக கூறிய அனிதா, அவர் ப்ரோமோவில் வரவேண்டும் என்பதற்காகவே தன்னை சீண்டுகிறார் என்று கூறியிருந்தார். இந்நிலையில் அந்த சண்டை தற்போது தான் ஓய்ந்திருக்கும் நிலையில் தற்போது மீண்டும் ஒரு மோதல் வெடித்துள்ளது.

பிக்பாஸ் வீட்டில் இந்த வாரம் முழுவதும் நடந்த சம்பவங்களில் முழு ஈடுபாட்டுடன் இருந்தவர்களை தேர்ந்தெடுத்து கூறுமாறு பிக்பாஸ் கூறினார். அதைத்தொடர்ந்து போட்டியாளர்கள் ஐந்து பேரை தேர்வு செய்தனர். அந்த ஐந்து பேரில் மற்ற போட்டியாளர்களின் வாக்குகள் அடிப்படையில் ஒருவர் தேர்ந்தெடுக்கப்படுவார் என்று அனைவரும் சேர்ந்து முடிவு செய்தனர். ஐவரில் ஆரி மற்றும் ரேகாவிற்கு 11 வாக்குகளும், சோம் சேகருக்கு 7 வாக்குகளும், பாலாஜிக்கு 9 வாக்குகளும் ரியோவிற்கு அதிகபட்சமாக 12 வாக்குகளும் கிடைத்தன. இறுதியில் அதிக வாக்குகளைப் பெற்ற ரியோ அடுத்த வார பிக்பாஸ் வீட்டின் தலைவர் தேர்தலில் போட்டியிட தேர்வாகியுள்ளதாக பிக்பாஸ் அறிவித்தார்.

இந்நிலையில் இந்த தேர்வின் போது தனக்கு வாக்கு அளிக்கவில்லை என்று சோம் சேகர் கோபமாக இருப்பதாக அனிதா நிஷாவிடம் கூறவே இந்த சண்டை அங்கிருந்து உருவானது. மேலும் நான் எல்லாருக்கும் கைதூக்கி வாக்களிக்க விரும்பவில்லை என்றும் இதை ஒரு பெரிய விஷயமாக நினைத்து சோம் தன்னிடம் பேச மறுப்பதாகவும் நிஷாவிடம் கூறினார். அதைத் தொடர்ந்து நான் கோபமாக இல்லை என்று சோம் மறுக்கவே வீட்டின் மற்ற ஹவுஸ்மேட்ஸ்கள் இருவரையும் சமாதானம் செய்ய முற்பட்டனர்.

அப்போது நீ மாத்தி மாத்தி பேசுகிறாய் என்று அனிதாவை சோம் கூறவே இந்த சண்டை மேலும் வலுவானது.எல்லோருக்கும் என்னால் கை எழுப்பி வாக்களிக்க முடியாது என்று அனிதா கூற சோம் அதற்கு கோபமாக நான் உன்னை கை தூக்க சொன்னேனா என்று கேள்வி எழுப்பினார். ஒருவழியாக இந்த சண்டை ஓய்ந்து கார்டன் ஏரியாவிற்கு சென்ற இருவரும் அங்கு அமர்ந்து பேசினர். அப்போது சோம், எதுவாயினும் என்னுடைய முகத்திற்கு நேராக வந்து பேசுமாறு அனிதாவிடம் அறிவுறுத்தினார். மேலும் நான் அவ்வாறு கோபப்பட்டு இருக்கக்கூடாது என்றும் அதற்கு என்னை மன்னித்துவிடு என்றும் வருந்தினார்.

பிக்பாஸ் தொடங்கிய நாட்களிலிருந்து நண்பர்களாக பயணம் செய்து வந்த சோம் மற்றும் அனிதாவிடையே ஏற்பட்டிருக்கும் இந்த மோதல் பார்க்கும் பார்வையாளர்களை அதிர்ச்சிக்கு உள்ளாக்கியுள்ளது.

ஆசிரியர் - Editor II