விஜய் ஹசாரே கிரிக்கெட் தொடரில் பிரித்வி ஷா இரட்டை சதம் அடித்து அசத்தல்!

விஜய் ஹசாரே கிரிக்கெட் தொடரில் பிரித்வி ஷா இரட்டை சதம் அடித்து அசத்தல்!

இந்தியாவில் நடைபெற்றுவரும் விஜய் ஹசாரே கிரிக்கெட் தொடரில், மும்பை அணியின் வீரரான பிரித்வி ஷா இரட்டை சதம் அடித்து அசத்தியுள்ளார்.

புதுச்சேரி அணிக்கெதிரான போட்டியில், பிரித்வி ஷா, 152 பந்துகளில் 5 சிக்ஸர்கள், 31 பவுண்டரிகளுடன் ஆட்டமிழக்காது 227 ஓட்டங்களை பெற்றுக்கொண்டார்.

இதன்மூலம் லிஸ்ட் ஏ கிரிக்கெட்டில் இரட்டைச் சதமெடுத்த ஏழாவது இந்திய வீரர் என்கிற பெருமையை பிரித்வி ஷா பெற்றுள்ளார்.

இதற்கு முன்பு சச்சின் டெண்டுல்கர், சேவாக், ரோஹித் சர்மா, ஷிகர் தவன், சஞ்சு சாம்சன், யாஷஸ்வி ஜெயிஸ்வால் ஆகியோர் லிஸ்ட் ஏ கிரிக்கெட்டில் இரட்டைச் சதமெடுத்த இந்தியர்கள்.

நான்கு நாள்களுக்கு முன்பு டெல்லி அணிக்கு எதிராக சதமடித்த பிரித்வி ஷா, இப்போது இரட்டைச் சதமெடுத்து அசத்தியுள்ளார்.

ஆசிரியர் - Editor II