பா.ஜ.க.வைத் தோற்கடிக்க அனைவரும் ஒன்றிணைவது அவசியம் - மேற்கு வங்காள முதல்வர் மம்தா பானர்ஜி

பா.ஜ.க.வைத் தோற்கடிக்க அனைவரும் ஒன்றிணைவது அவசியம் - மேற்கு வங்காள முதல்வர் மம்தா பானர்ஜி

டெல்லிக்கு 3 நாட்கள் சுற்றுப்பயணம் மேற்கொண்டுள்ள மேற்கு வங்காள முதல் மந்திரி  மம்தா பானர்ஜி, காங்கிரஸ் மூத்த தலைவர்கள் சிலரை சந்தித்து பேசிய பின்னர் நேற்று  மாலை பிரதமர் மோடியை நேரில் சந்தித்து பேசினார்.

பிரதமர் இல்லத்தில் நடைபெற்ற இந்த சந்திப்பில் மேற்குவங்காளத்துக்கு தேவையான கூடுதல் தடுப்பூசிகள், மாநில வளர்ச்சித் திட்டங்கள் குறித்து பிரதமர் மோடியிடம் மம்தா பானர்ஜி கோரினார்.

இன்று காங்கிரஸ் கட்சியின் இடைக்காலத் தலைவர் சோனியா காந்தியை சந்தித்தார் மம்தா பானர்ஜி; இந்த சந்திப்பின்போது ராகுல் காந்தியும் உடன் இருந்ததாக தகவல்.

பின்னர் அவர் நிருபர்களுக்கு பேட்டி அளித்தார். அப்போது அவர் கூறியதாவது:-

சோனியா காந்தி  என்னை தேநீர் விருந்துக்கு  அழைத்தார், ராகுல் காந்தியும் உடன் இருந்தார், நாங்கள் பொதுவாக அரசியல் நிலைமை, பெகாசஸ் & கொரோனா நிலைமை குறித்து விவாதித்தோம். மேலும் எதிர்ப்பின் ஒற்றுமை குறித்தும் விவாதித்தோம். இது ஒரு நல்ல சந்திப்பு. எதிர்காலத்தில் நேர்மறையான முடிவு வெளிவர வேண்டும் என்று நான் நினைக்கிறேன்.

எதிர்க்கட்சிகளின் ஒன்றிணைப்பை சோனியா காந்தி விரும்புகிறார்; மாநில கட்சிகளை காங்கிரஸ் நம்புகிறது, மாநில கட்சிகளும் காங்கிரசை நம்புகிறது.

பா.ஜ.க. வலிமையான கட்சியாக உள்ளது; எதிர்க்கட்சிகள் வலிமையாக அமைந்தால் வரலாறு படைக்கலாம், 2024 நாடாளுமன்ற தேர்தலுக்கு அதுவே நம்பிக்கை.

கறுப்புப் பணம் உங்களை எதிர்க்கும் நபர்களிடம் மட்டுமே உள்ளது.அரசியலில் விஷயங்கள் மாறுகின்றன. அரசியல் புயல் வரும்போது, நிலைமையைக் கையாள கடினமாகிவிடுகிறது.

நரேந்திர மோடி 2019 இல் பிரபலமாக இருந்தார். இன்று, அவர்கள் கொரோனா உயிரிழப்புகள் பற்றிய பதிவுகளை வைத்திருக்கவில்லை, அவர்களின்  இறுதி கடைசி சடங்குகள் மறுக்கப்பட்டன, உடல்கள் கங்கை நதியில் வீசப்பட்டன. அன்புக்குரியவர்களை இழந்தவர்கள்  இஅதை மறந்து மன்னிக்க மாட்டார்கள்.

எனது செல்போன் ஏற்கனவே ஒட்டுகேட்கப்பட்டது.  பெகாசஸ் அனைவரின் உயிரையும் ஆபத்தில் ஆழ்த்தியுள்ளது.

பெகாசஸ் உள விவாகரத்திற்கு  அரசு ஏன் பதிலளிக்கவில்லை? மக்கள் தெரிந்து கொள்ள விரும்புகிறார்கள். நாடாளுமன்றத்தில் கொள்கை முடிவுகள் எடுக்கப்படாவிட்டால், அங்கு விவாதங்கள் நடத்தப்படாவிட்டால், அது எங்கே நடக்கும்? விவாதங்கள் தேநீர் கடைகளில் நடத்தப்படுவதில்லை, இது நாடாளுமன்றத்தில் தான் நடைபெறும் என கூறினார்.

மம்தா பானர்ஜி, அவர் எதிர்க்கட்சியின் முகமாக இருப்பாரா என்ற கேள்விக்கு

நான் ஒரு அரசியல் ஜோதிடர் அல்ல, அது நிலைமையைப் பொறுத்தது. இன்று நான் சோனியா காந்தி மற்றும் அரவிந்த் கெஜ்ரிவால் ஆகியோருடன் சந்திப்பு நடத்துகிறேன். நாடாளுமன்றக் கூட்டத்தொடருக்குப் பிறகு, எதிர்க்கட்சிகள் சந்திக்க வேண்டும்.

பா.ஜ.க.வைத் தோற்கடிக்க அனைவரும் ஒன்றிணைவது அவசியம் ... தனியாக, நான் ஒன்றுமில்லை - அனைவரும் ஒன்றிணைந்து செயல்பட வேண்டியிருக்கும். நான் ஒரு தலைவர் அல்ல, நான் ஒரு கேடர். நான் தெருவில் இருந்து வந்த ஒரு நபர் என அவர் கூறினார்.



ஆசிரியர் - Editor II